सांगली रोजगार महाकुंभ : २९ सप्टेंबरला जिल्ह्यात १५ ठिकाणी रोजगार मेळावे

सांगली रोजगार महाकुंभ: ‘रोजगार महाकुंभ – महाराष्ट्र’ या राज्यव्यापी उपक्रमांतर्गत दि. २९ सप्टेंबर २०२६ रोजी सांगली जिल्ह्यात जिल्हा स्तरावर तसेच तालुका स्तरावर एकूण १५ ठिकाणी रोजगार मेळावे आयोजित करण्यात येणार आहेत. यामध्ये जिल्ह्यातील युवक-युवती, उद्योगांनी मोठ्या संख्येने सहभागी व्हावे, असे आवाहन जिल्हाधिकारी डॉ. मैनाक घोष यांनी केले आहे.

सांगली रोजगार महाकुंभ: राज्यव्यापी उपक्रमाचा उद्देश

देशातील युवकांना रोजगार, स्वयंरोजगार, कौशल्य विकास व उद्योजकतेच्या अधिकाधिक संधी उपलब्ध करून देण्याच्या प्रधानमंत्री नरेंद्र मोदी यांच्या संकल्पनेनुसार महाराष्ट्र शासनाच्या कौशल्य, रोजगार, उद्योजकता व नाविन्यता विभागामार्फत हा उपक्रम राबविण्यात येत आहे. २९ सप्टेंबर २०२६ रोजी राज्यभर एकाच दिवशी एक हजार रोजगार मेळावे व प्लेसमेंट ड्राईव्ह आयोजित होणार असून या उपक्रमाचे उद्घाटन मुख्यमंत्री देवेंद्र फडणवीस यांच्या हस्ते होणार आहे. सांगली जिल्ह्यातील पात्र युवक-युवतींनी या संधीचा लाभ घ्यावा आणि प्रत्येक उद्योग, कंपनी व आस्थापनाने रिक्त पदांची नोंदणी करून सक्रिय सहभाग घ्यावा, असे जिल्हाधिकारी डॉ. मैनाक घोष यांनी सांगितले.

रोजगार महाकुंभ 2026 विविध जिल्ह्यांची माहिती
अकोला
मुंबई
कोल्हापूर
धाराशिव

सांगली जिल्ह्यातील १५ मेळावे स्थळे

सांगली रोजगार महाकुंभ: कोण सहभागी होऊ शकते?

Non-Matric, SSC, HSC, Graduate, Post Graduate, ITI, Diploma, BE तसेच विविध तांत्रिक व व्यावसायिक पात्रता धारण केलेले रोजगार इच्छुक युवक-युवती या मेळाव्यांमध्ये सहभागी होऊ शकणार आहेत. विविध उद्योग व आस्थापनांमध्ये उपलब्ध असलेल्या रिक्त पदांसाठी उमेदवारांची प्रत्यक्ष मुलाखत, निवड प्रक्रिया व पुढील नियुक्तीची कार्यवाही संबंधित आस्थापनांमार्फत करण्यात येणार आहे.

रोजगारपूर्व मोफत प्रशिक्षण

सांगली रोजगार महाकुंभ मध्ये सहभागी होणाऱ्या युवक-युवतींना प्रत्यक्ष मुलाखतीसाठी आत्मविश्वासाने सामोरे जाता यावे यासाठी जवळच्या शासकीय औद्योगिक प्रशिक्षण संस्थांमध्ये रोजगारपूर्व तयारीचे मोफत प्रशिक्षण आयोजित करण्यात येणार आहे. यात CV/Resume तयार करणे, प्रभावी स्वपरिचय, मुलाखत कौशल्य, Mock Interview, व्यक्तिमत्व विकास व संवाद कौशल्य याबाबत मार्गदर्शन केले जाईल. हे प्रशिक्षण दि. ७ ते १० सप्टेंबर २०२६ तसेच दि. २१ ते २४ सप्टेंबर २०२६ या कालावधीत आयोजित करण्यात आले आहे.

सांगली रोजगार महाकुंभ 2026: संपर्क व आवाहन

अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, मध्यवर्ती प्रशासकीय इमारत, तळमजला, विजयनगर, सांगली (दूरध्वनी : ०२३३-२९९०३८३) येथे संपर्क साधावा. जिल्ह्यातील युवक-युवती आणि उद्योगांनी मोठ्या संख्येने सहभागी होऊन या संधीचा लाभ घ्यावा, असे आवाहन जिल्हाधिकारी डॉ. मैनाक घोष यांनी केले आहे.

माहितीचा अधिकृत स्रोत: जिल्हा माहिती कार्यालय, सांगली

लेखक : भूषण इंगळे
मुख्य विश्लेषक (सरकारी योजना व कृषी क्षेत्र)

लेखक महाराष्ट्रातील विविध **सरकारी योजना, आधुनिक शेती तंत्रज्ञान, शेतकरी कल्याण, रोजगार आणि फायनान्स** अशा महत्वपूर्ण विषयांचे अभ्यासक व लेखक आहेत. आपल्या लेखणीच्या माध्यमातून सर्वसामान्य नागरिक आणि शेतकरी बांधवांपर्यंत अत्यंत अचूक, विश्वासार्ह आणि उपयुक्त माहिती सोप्या भाषेत पोहोचवणे, हेच त्यांच्या "कामाची बातमी" या व्यासपीठाचे मुख्य उद्दिष्ट आहे.